Komuna e Malishevës, përmes një njoftimi në Facebook, ka treguar se edhe pacienti i fundit me koronavirus nga kjo komunë, është shëruar.

Sipas njoftimit, pacientit të fundit, i janë bërë dy herë testet dhe ka rezultuar negativ.

“Bazuar në rezultatet e analizave dhe në komunikimin zyrtar me Institutin Kombëtar të Shëndetësisë Publike të Kosovës, përveç se të gjitha testet e sotme nga Malisheva kanë rezultuar negative, edhe personi i fundit i prekur me COVID-19 nga Malisheva është shëruar plotësisht”, thuhet në njoftimin e Komunës.

Ndërkaq, situata me COVID -19 në Malishevë, është kjo: nga data 14 mars, e deri më tani, me COVID-19, janë prekur 77 persona, 76 prej tyre janë shëruar dhe një rast ka rezultuar me fatalitet./ Gazeta Sinjali/