Duke filluar nga 10 shtatori, Danimarka do t’i heq të gjitha kufizimet kundër COVID-19, falë numrit të konsiderueshëm të vaksinimit dhe se sëmundja më nuk konsiderohet “kërcënuese për shoqërinë”, ka njoftuar Ministria e Shëndetësisë. “Epidemia është nën kontroll, ne kemi norma rekord të vaksinimit”.

Ministri i Shëndetësisë, Magnus Heunicke në një njoftim për shtyp tha “se kjo është arsyeja pse, më 10 shtator, ne do të jemi në gjendje të braktisim rregullat e veçanta të vendosura në luftën kundër COVID-19”,

“Ne nuk jemi jashtë epidemisë”, theksoi ai, duke siguruar se “qeveria nuk do të ngurrojë të veprojë shpejt, nëse pandemia kërcënon sërish funksionet thelbësore të shoqërisë”.

Danimarka ishte një nga vendet e para që vendosi një bllokim të pjesshëm me mbylljen e shkollave dhe bizneseve jothelbësore, në mars të vitit 2020.

Pas lehtësimit të parë të masave, disa javë më vonë, ajo i riktheu sërish ato në gusht 2020. Që nga atëherë, vendi është rihapur gradualisht.

Më shumë se 70 për qind e popullsisë së vendit skandinav prej 5,8 milionë banorësh është vaksinuar plotësisht. /GazetaSinjali/