Burime të sigurta të Sinjalit brenda Policisë dhe Prokurorisë, thanë se personi që dyshohet se u vra me thikë sot në Lipjan është F.K 42 vjeçar, (për shkak të ndjeshmërisë së rastit, Sinjali, tani për tani nuk e publikon identitetin e plotë të viktimës).
Nga përleshja me thikë ka vdekur një person, viktima ka ndërruar jetë në Qendrën Klinike Universitare të Kosovës, ka konfirmuar policia.
Sinjali mëson se bëhet fjalë për F.K viti i lindjes 1977.
Dy personat e tjerë që janë lënduar nga përleshja me thikë kanë marrë po ashtu lëndime trupore. Njëri në gjoks e tjetri në kokë, ata janë jashtë rrezikut për jetë, kanë konfirmuar nga QKUK për Sinjalin.
Dorasi dhe viktima kanë lidhje familjare.
