image Ky është 61-vjeçari që gjeti vdekjen në pyllin e Maçastenës në Serbi, traktori u rrokullis dhe e zuri përfundi - Sinjali

Ky është 61-vjeçari që gjeti vdekjen në pyllin e Maçastenës në Serbi, traktori u rrokullis dhe e zuri përfundi

news image

Gazeta Sinjali sot raportoi për një rast tragjik që ndodhi në pyllin e fshatit Maçastenë të Kurshumlisë në Serbi, ku një shtetas kosovar humbi jetën si pasojë e lëndimeve që mori teksa po priste dru.

Sinjali mëson se viktima është Agim Fetahaj, 61-vjeçar.

Nga Emergjenca e Qendrës Kryesore të Mjekësisë Familjare në Podujevë thanë pasdite për Sinjalin se i ndjeri ishte dërguar atje pa shenja jete, teksa vdekja u konstatua nga mjeku kujdestar.

Sinjali mëson se dyshohet që teksa po tërhiqte një lis me traktor, automjeti është rrokullisur dhe e ka zënë përfundi.

Policia ka intervistuar në cilësinë e dëshmitarëve djemtë e të ndjerit, të cilët kanë deklaruar se bashkë me babain e tyre kanë punuar në mënyrë legale në pyllin e Maçastenës për një shtetas serb.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion.

/GazetaSinjali/


Shpërndaje artikullin