image Kush janë dy futbollistët e Kosovës të cilët u nënshtruan testit të dopingut pas ndeshjes - Sinjali

Sport/ Kush janë dy futbollistët e Kosovës të cilët u nënshtruan testit të dopingut pas ndeshjes

news image

Sipas një postimi në rrjetet sociale bëhet e ditur se Amir Rrahmani dhe Fidan Aliti i janë nënshtruar një testi të dopingut menjëherë pas ndeshjes me Malin e Zi në stadiumin “Fadil Vokrri”

Dy lojtarë të Kosovës janë ndalur për kontrolla të dopingut menjëherë pas ndeshjes për kualifikime me Malin e Zi, të cilën Kosova e fitoi 2 me 0.

Kjo është bërë e ditur nga një postim i lojtarit të kombëtares, Amir Rrahmani, në rrjetin social Instagram.

“S’ka festë për ne. Koha e dopingut”, ka shkruar Rrahmani në një fotografi së bashku me Alitin.

Kujtojmë se Kosova ka fituar me rezultat 2 me 0 ndaj Malit të Zi me golat e Amir Rrahmanit dhe Vedat Muriqit./Gazeta Sinjali/


Shpërndaje artikullin