Një shqiptar 34-vjeçar është ekzekutuar me armë zjarri në Ekuador, mbrëmjen e së shtunës rreth orës 19:00, sipas orës lokale në qytetin Guayaquil.

Viktima ishte Ergys Dashi nga Durrësi, i cili u qëllua me disa plumba brenda një restoranti në veri të Guayaquil.

Mirëpo, Ergys Dashi është viktima e gjashtë ballkanike e një sulmi në Guayas.

Të mëparshëm ishin:

Shqiptari Ilir Hidri, i ekzekutuar në periferi më 30 maj 2017,

Shqiptari nga Kosova Remzi Azemi, i sulmuar (mbijetuar) në qendër të qytetit më 7 nëntor 2017,

Malazezo-shqiptari Fadil Kaçani, i ekzekutuar rrugës për në “la Costa” më 14 mars 2018,

Serbi Sasa Spasiq, u vra në një qendër tregtare Samborondón më 21 prill 2020,

Shqiptari Adriatik Tresa, i eliminuar në La Aurora, në Daule.

ABC raportoi lidhur me aleancat që grupet shqiptare po krijojnë në Ekuador dhe Kolumbi për të siguruar “mbushjen” e Evropës me kokainë.

Kartelet kolumbiane konkurrojnë për tregun fitimprurës evropian me meksikanët, shqiptarët dhe rusët. Për dërgesat në Evropë, kartelet shqiptare dhe Sinaloa krijojnë aleanca. Tregjet e saj kryesore janë Holanda, Belgjika, Shqipëria, Greqia dhe Spanja./GazetaSinjali/