Kryeministri i Kosovës, Albin Kurti, u ka uruar mirëseardhje refugjatëve të parë afganë që erdhën sonte në Kosovë.
Ai në një konferencë për media pas pritjes që u bëri afganëve u tha se janë në vend të sigurt dhe se është ndër për të që ka mundësinë të ju ndihmojë atyre.
“Refugjatëve afganë të cilët janë të dëshpëruar që janë detyruar t’i lëshojnë shtëpitë e tyre dhe atdheun, iu dëshiruam mirëseardhje dhe ju thamë se janë mysafirët tanë dhe se janë të sigurt. Është nder për neve dhe për mua që kemi mundësinë t’i ndihmojmë këta refugjatë që sikurse të gjithë qytetarët e meritojnë të kenë të drejta dhe liri”, u shpreh kryeministri.
“Kur është në pyetje një çështje humanitare, kur janë në pyetje aleatët dhe partnerët tanë siç është SHBA-ja dhe NATO-ja, ne nuk themi pse, por ne themi vetëm si. Pra të gjitha pyetjet që i diskutojmë janë vetëm të natyrës teknike. Pra se si këta refugjatë të kalojnë sa më lehtë në vijim pas një konflikti që e lanë pas në atdheun e tyre. E falënderojmë NATO dhe SHBA-në për komunikimin për strehimin e këtyre refugjatëve”, tha Kurti.
