14 mijë e 800 turistë rusë kanë mbetur të bllokuar në Republikën Domenikane për shkak të kufizimeve të udhëtimit që u vendosën pas agresionit të Rusisë në Ukrainë.
Këtë e ka bërë të ditur Qeveria në Santo Domingo të mërkurën, sipas një raporti nga Agence France-Presse, transmeton Gazeta Sinjali.
Vendi i Karaibeve tha se kishte arritur një marrëveshje me zinxhirët e hoteleve për të garantuar akomodimin e turistëve deri në momentin kur të gjendet një zgjidhje.
Turistët rusë janë kryesisht në provincën lindore të La Altagracia, njohur ndryshe si shtëpia e pikës së nxehtë të vizitorëve Punta Cana.
Përveç turistëve rusë, janë edhe rreth 1 mijë e 900 vizitorë ukrainas në vend dhe po qëndrojnë në hotelet e tyre derisa të zbatohet një plan riatdhesimi.
Konsullja e nderit e Ukrainës në Republikën Domenikane, Ilona Oleksandrivna, ka pohuar se kishte rreth 3 mijë bashkatdhetarë dhe gra të saj në vend, nga të cilët 1 mijë e 200 ishin dëbuar nga hotelet e tyre.
AFP ka bërë të ditur se nuk kanë gjetur asnjë të huaj të bllokuar në zonat kryesore turistike.
