Kryeministrja e Finlandës, Sanna Marin, në Samitin në Pragë tha se rrugëdalja e vetme nga konflikti midis Rusisë e Ukrainës është që Rusia ta lirojë Ukrainën.
“Rrugëdalja nga konflikti midis Rusisë dhe Ukrainës është e vetmja që nga fillimi i luftës – Rusia ta lirojë Ukrainën”, tha Marin para gazetarëve në Pragë, raporton Corriere della Sera.
Po ashtu edhe presidenti amerikan, Joe Biden më herët gjatë ditës tha se SHBA-të po mundohen të kuptojnë se cila mund të jetë zgjidhja për ndaljen e Putinit, duke pasur parasysh se ka rrezik për një ‘Armageddon’ nuklear të ngjashëm si kriza me armë në Kubë në vitin 1962.
