Kryeministri i Kosovës, Avdullah Hoti ka qëndruar për vizitë sot në Maqedoninë e Veriut, ku është pritur nga homologu i tij, Zoran Zaev.

Kështu ka njoftuar Hoti në një postim në rrjetin social Facebook.

Ai shtoi se përkushtimi kryesor i dy qeverive është fuqizimi i marrëdhënieve dypalëshe dhe fqinjësisë së mirë.

“Republika e Kosovës dhe Republika e Maqedonisë së Veriut ndajnë interesa të përbashkëta politike dhe ekonomike, për stabilitetin, qëndrueshmërinë dhe prosperitetin e rajonit tonë”, shkroi Hoti. /Gazeta Sinjali/