Ministrja e Jashtme e Shqipërisë, Olta Xhaçka ka rikonfirmuar mbështetjen për trupat e KFOR-it dhe ka dënuar sulmet e dhunshme në veri të Kosovës.
Xhaçka mori pjesë në takimin e Ministrave të Jashtëm të NATO-s të mbajtur në Oslo, ku foli edhe për çështjen e Kosovës.
Kryediplomatja shqiptare ndër të tjerash ka theksuar se Dialogu i lehtësuar nga BE-ja është mënyra e vetme për të ecur përpara.
“Të bindur se anëtarësimi i Suedisë në NATO do të forcojë Aleancën dhe sigurinë e Europës në tërësi. Mirënjohje për kontributin e NATO-s në ruajtjen e sigurisë në rajonin tonë. Rikonfirmova mbështetjen tonë të plotë për trupat e KFOR dhe dënimin e sulmeve të dhunshme të paprovokuara në veri të Kosovës. Dialogu i lehtësuar nga BE është mënyra e vetme për të ecur përpara”, shprehet Xhaçka në një postim në Twitter.
2/2 Thankful to #NATO's contribution to the security of our region.Reiterate our full support for @NATO_KFOR & condemn in the strongest terms the unprovoked violent attacks in the North of Kosova. #EU-facilitated Dialogue is the only way to move fwd. pic.twitter.com/Nw8W5G56pV
— Olta Xhaçka🇦🇱 (@xhacka_olta) June 1, 2023
