image Kryediplomati italian: Kosova nuk duhet të ketë frikë nga dialogu me Serbinë

Politikë

Kryediplomati italian: Kosova nuk duhet të ketë frikë nga dialogu me Serbinë

news image

Ministri i Jashtëm i Italisë, Luigi Di Maio, ka shprehur përkrahjen e shtetit të tij për Kosovën, duke thënë se kjo do të vazhdojë edhe më tutje.

“Italia është përkrah Kosovës në rrugëtimin e saj të konsolidimit, të sundimit të ligjit… Sot u ndalëm për të biseduar se si ta zgjerojmë bashkëpunimin tonë dypalësh. Prioritetet që janë vazhduar deri më tani, si rritja ekonomike dhe lufta e krimit dhe korrupsionit, kemi ndërmend që të japim edhe më tej kontribut”, është shprehur Maio gjatë vizitës në Kosovë.

Kryediplomati italian ka thënë se Kosova nuk duhet të ketë frikë nga bisedimet me Serbinë.

“Inkurajojmë që të vazhdohet para që të ketë rezultat konstruktiv që është projekt ambicioz por i arritshëm. Kosova nuk duhet te ketë frikë nga dialogu, vetëm do të shërbejë për përforcimin e statusit të saj”.

Maio ka folur edhe për liberalizimin e vizave ku ka thënë se shpresojnë që të ndodhë sa më parë. /Gazeta Sinjali/