Ministri i Punëve të jashtme të Maqedonisë, Bujar Osmani, ka reaguar lidhur me situatën në veri të Kosovës.
Osmani në një postim në Facebook, ai ka thënë se Maqedonia e Veriut po ndjek me kujdes situatën në veri të Kosovës, ku thotë se përkeqësimi i mëtutjeshëm i së cilës mund të përbëjë një sfidë serioze për stabilitetin e rajonit.
Ai gjithashtu ka kërkuar që që të përmbahen nga aktivitetet që mund të çojnë në përshkallëzimin e situatës, duke bërë ftesë për kthim në institucionet e sistemit dhe vazhdimin aktiv dhe të menjëhershëm të dialogut.
“Gjetja e një zgjidhjeje të përhershme që do të sigurojë njohje reciproke dhe një të ardhme evropiane për të dyja vendet, është e vetmja rrugë për një normalizim afatgjatë të marrëdhënieve që është me interes jo vetëm për të dyja palët, por edhe për të gjithë rajonin”, ka shkruar Osmani.
