Konsumatorët e Kompanisë Rajonale të Ujësjellësit “Prishtina” do të mund të kryejnë shërbimet e nevojshme edhe gjatë fundjavës, pas vendimit për zgjerimin e orarit të punës.
Nga 18 korriku 2026, Shërbimi për Konsumatorë dhe Arka Qendrore e KRU “Prishtina” do të jenë të hapura edhe të shtunave, nga ora 08:00 deri në 16:00.
Sipas njoftimit të kompanisë, ky vendim do të jetë në fuqi gjatë muajve korrik dhe gusht, me qëllim që qytetarët të kenë më shumë mundësi për të kryer obligimet dhe kërkesat e tyre jashtë orarit të zakonshëm të punës.
KRU “Prishtina” ka ftuar konsumatorët që ta shfrytëzojnë këtë mundësi dhe të drejtohen në shërbimet përkatëse gjatë orarit të ri të fundjavës.
Sinjali – aty ku e vërteta flet para lajmit!
