Kroacia ka barazuar në kuadër të xhiros së tetë në kualifikimet për Kupën e Botës, shkruan Sinjali Sport.

Ballkanasit barazuan 2-2 me Sllovakinë në shtëpi.

Mysafirët dy herë e kishin epërsinë, duke kaluar të parët në epërsi në minutën e 20-të me Schranz.

Por, Kramaric barazoi pas pesë minutave.

Pjesa e parë u mbyll me golin e Haraslin në kohën shtesë, duke kaluar sllovakët përsëri në avantazh.

Sulmet e shumta në periudhën e dytë, ndikuan që finalistët e botërorit të fundit të barazojnë shifrat, me anë të kapitenit, Luka Modric.

Me këtë barazim, vendasit zbresin në pozitën e dytë, ku kanë grumbulluar 17 pikë, kurse mysafirët ngritën në atë të tretin me 10 pikë.    /Gazeta Sinjali Sporti/