Kriminelët në të gjithë SHBA kanë filluar të përdorin kërcënimin e një infeksioni vdekjeprurës të koronavirusit si një armë në sulmet ndaj policisë dhe dyqaneve ushqimore që kërkojnë t’i grabisin.

Kërcënimet për përhapjen e Covid-19 janë shfaqur në të gjithë vendin dhe tani lind pyetja nëse shtetet do të ndjekin penalisht përdorimin e koronavirusit të ri si armë, në mënyrën më shumë se gjysma e shteteve amerikane kanë deklaruar transmetimin e HIV-it një krim kur shpërtheu kriza e AIDS në vitet ’80.

Një burrë në Miçigan fshiu hundën dhe fytyrën me një T-shirt të një punonjësi të dyqanit, i cili i kërkoi të vinte një maskë mbrojtëse. Burri 68-vjeçar është akuzuar për sulm dhe nëse dënohet mund të përballet me tre muaj burg dhe një gjobë 500 dollarë.

Në Shën Petersburg të Floridës, një burrë u kollit dhe u përplas me oficerët e policisë dhe kërcënoi të përhapte virusin kur ata erdhën në shtëpinë e tij pas raportimit për dhunë në familje.

Ai përballet deri në pesë vjet burg me një akuzë federale për të bërë një kërcënim të rremë me një armë biologjike, pasi u testua dhe u gjet se është negativ për koronavirusin.

Një burrë në San Antonio, Teksas, pretendoi në një postim në Facebook se pagoi dikë për të përhapur koronavirusin në dyqanet ushqimore. Ai u gjet se kishte gënjyer, por u arrestua dhe u akuzua. Ai tha se po përpiqej të dekurajojë njerëzit që të shkojnë në dyqane për të frenuar përhapjen e virusit, thanë prokurorët federalë në Teksas.

Në Nju Xhersi, projekt-ligji i senatorit republikan Kristin Corrado për të ndëshkuar ata që kërcënojnë për përhapjen e covida-19 me 10 vjet burg dhe një gjobë prej 150,000 dollarë ishte në Komitetin e Buxhetit të Senatit këtë javë.

“Për ata që mendojnë se është kënaqësi të bëjnë një shaka kaq të sëmurë – ju do të mbani pasojat e vendimeve tuaja të këqija,” tha Corrado.

“Këto kërcënime nuk do të merren lehtë dhe ata që u shpallën fajtorë do të ndëshkohen”, shtoi ai./ Gazeta Sinjali/