image Krasniqi fillon vizitën zyrtare në Izrael, pritet nga ministri Frej

Politikë

Krasniqi fillon vizitën zyrtare në Izrael, pritet nga ministri Frej

news image

Ministri i Administrimit të Pushtetit Lokal, Elbert Krasniqi, ka udhëtuar për në Izrael. Ai atje është pritur në takim nga ministri për Bashkëpunim Regjional, Esawi Frej, ndërsa më vonë ka vizituar Qendrën Përkujtimore të Holokaustit.

MAPL thotë se gjatë këtij takimi, “ministri Krasniqi dhe Ministri Frej diskutuan për bashkëpunimit në mes të dy vendeve, raportet e shkëlqyera në mes të Republikës së Kosovës dhe Shtetit të Izraelit si dhe mundësitë për thellimin e bashkëpunimit në fushën e zhvillimit ekonomik lokal dhe qeverisjes lokale”.

Në komnikatën e MAPL-së thuhet se Krasniqi do të realizojë takime me zyrtarë shtetërorë për të diskutuar mundësitë e bashkëpunimit mes Kosovës dhe Izraelit.

“Ministri Krasniqi, e ka falënderuar Ministrin Frej për ndihmën e Shtetit të Izraelit dhënë për popullin e Kosovës duke shprehur mirënjohjen e thellë dhe gatishmërinë për të fuqizuar marrëdhëniet bilaterale”, thuhet në komunikatë.

Komunikata e plotë:

Ministri Krasniqi fillon vizitën zyrtare në Izrael, pritet në takim nga Ministri për Bashkëpunim Regjional, Esawi Frej dhe viziton Qendrën Përkujtimore të Holokaustit

Prishtinë, 13 shtator 2022

Ministri i Administrimit të Pushtetit Lokal, Elbert Krasniqi, me ftesën e Ministrit për Bashkëpunim Regjional të Izraelit, Esawi Frej, do të qëndroj në një vizitë zyrtare në Izrael, ku do të realizoj takime me zyrtarë shtetëror nga Izraeli për të diskutuar për mundësitë e bashkëpunimit në mes të dy shteteve.

Ministri Krasniqi, vizitën zyrtare në Izrael e filloi duke u pritur në takim nga Ministri për Bashkëpunim Regjional, Esawi Frej.

Gjatë këtij takimi, Ministri Krasniqi dhe Ministri Frej diskutuan për bashkëpunimit në mes të dy vendeve, raportet e shkëlqyera në mes të Republikës së Kosovës dhe Shtetit të Izraelit si dhe mundësitë për thellimin e bashkëpunimit në fushën e zhvillimit ekonomik lokal dhe qeverisjes lokale.

Ministri Krasniqi, e ka falënderuar Ministrin Frej për ndihmën e Shtetit të Izraelit dhënë për popullin e Kosovës duke shprehur mirënjohjen e thellë dhe gatishmërinë për të fuqizuar marrëdhëniet bilaterale.

Gjithashtu, në kuadër të kësaj vizite Ministri Krasniqi, ka vizituar Qendrën Përkujtimore të Holokaustit, në nderim të viktimave të gjenocidit famëkeq të shekullit XX.

/GazetaSinjali/