image Kosovari kryen marrëdhënie seksuale me një grua që ishte në gjumë, detyrohet të paguajë dëmshpërblim dhe dëbohet nga Zvicra

Kosovë

Dënimi/ Kosovari kryen marrëdhënie seksuale me një grua që ishte në gjumë, detyrohet të paguajë dëmshpërblim dhe dëbohet nga Zvicra

news image

Pasi që kishte kryer marrëdhënie seksuale me një grua që ishte duke fjetur, një kosovar 34 vjeçar është dënuar me dënimin 22 muaj me kusht për 4 vite. Përveç kësaj, atij i është shqiptuar edhe dënimi me dëbim dëbuar nga Zvicra për shtatë vjet, shkruan gazeta “Berner Zeitung”. Po ashtu viktima është dëmshpërblyer me 10.000 franga.

Procesi ndaj kosovarit është zhvilluar këtë javë në Gjykatën e Qarkut në Thun, transmeton albinfo.ch. Sipas aktakuzës, ai, pas një nate të gjatë feste, ka kryer marrëdhënie seksuale me një grua që po flinte.

“Autori i krimit ka shfrytëzuar situatën në mënyrë të paskrupullt. Nuk ka asnjë arsyetim për sjelljen e tij”, është shprehur kryetari i gjykatës, i cili në shqiptimin e dënimit ka ndjekur kërkesën e prokurorisë.

Përveç kësaj, ai ka klasifikuar deklarimet e të pandehurit si pak të besueshme: Ai e dinte, për shembull, se çfarë kishte ngrënë natën e krimit, por kur vjen puna te sqarimi i krimit, ai pretendonte se kishte boshllëqe në kujtesë, sepse gjoja kishte qenë nën ndikimin e alkoolit dhe drogës.

Autori i deliktit dhe viktima kishin shkuar në banesën e të akuzuarit pas një feste me dy miq të tjerë në mars të vitit 2017, përcjell albinfo.ch. Aty, akuzuesja (viktima) kishte fjetur në divan. Ajo ka thënë se më vonë është zgjuar nga dhimbjet dhe e ka shtyrë kolegun e saj që ishte shtrirë mbi të. Po atë ditë ajo kishte paraqitur ankesë.

Përveç veprës penale të përdhosjes, kosovari ka kryer më parë edhe disa delikte. Ai është gjobitur dy herë për ngarje të makinës pa patentë shofer të vlefshëm, transmeton albinfo.ch. Drejtimi i paligjshëm i një bari dhe përdorimi të kokainës gjithashtu i kishin kushtuar atij po ashtu me gjobë.