image Kosova triumfon ndaj fqinjëve, mbyll me fitore “European Challengers”

Basketboll

Kosova triumfon ndaj fqinjëve, mbyll me fitore “European Challengers”

news image

Kosova U20 ka shënuar fitore kundër Maqedonisë Veriore U20 me rezultat 63:62 (13:15, 16:10, 21:21, 13:16), në kuadër të FIBA Women’s European Challengers, takim që u zhvillua në Shkup, përcjellë Sinjali Sport.

Njëkohësisht ky ishte takimi i fundit për vashat kosovare në grup, që e përfunduan me një fitore dhe tri humbje (në vendin e katërt nga pesë shtete), ndërsa Maqedonia Veriore e mbylli me katër humbje në katër ndeshje.

Ishte një fitore e merituar e vashave kosovare, që ishin në epërsi pothuajse gjatë gjithë ndeshjes, edhe pse fundi ishte dramatik. Perioda e parë ishte paksa e baraspeshuar që përfundon 13:15, por në atë të dytë vashat dardane u treguan shumë më të mira, ku e fituan këtë pjesë 16:10, dhe shkuan në pushim me shifrat 29:25.

Në periudhën e tretë u zhvillua lojë me kthesa, ku tre minuta nga fundi, Kosova kishte epërsi 46:38, por në minutat e mbetur, vendaset ngushtuan epërsinë në 46:45, ndërsa rezultati në semafor pas 30 minutash ishte 50:46. 10 minutat e fundit ishin shumë dramatik dhe me emocione. Maqedonia po fitonte 59:62, dy minuta nga fundi, por vashat e Kosovës luftuan për fitoren e parë dhe e arritën qëllimin. Dea Pushkolli dhe Tringa Ukaj shënuan nga dy pikë, ndërsa duhet veçuar edhe lojën ë Arba Hashanit, e cila me trepikësha nuk lejoi shkëputjen e vashave maqedonase. Në fund Kosova triumfoi 63:62.

Te Kosova u dalluan Arba Hashani me 13 pikë, 7 kërcime, 6 asistime, Agnesa Rrahmani me 18 pikë e 5 kërcime, Tringa Ukaj me 10 pikë e 5 kërcime dhe Sara Vraniqi me 8 pikë dhe Dea Pushkolli me 7. /Gazeta Sinjali Sporti/