image Kosova së shpejti miqësore me Gjermaninë: Challandes nuk deshi të luhej tash

Futboll

Sport/ Kosova së shpejti miqësore me Gjermaninë: Challandes nuk deshi të luhej tash

news image

Kombëtarja e Kosovës do të takohet me Gjermaninë së shpejti në një ndeshje miqësore. Kjo u bë e ditur sot në një takim që përfaqësuesit e FFK-së patën me përfaqësues të Federatës së Gjermanisë ku edhe u nënshkrua një marrëveshje bashkëpunimi.

Kryetari i Federatës së Futbollit të Kosovës, Agim Ademi, ka treguar se Gjermania ka qenë një kundërshtar i mundshëm edhe para ndeshjes ndaj Gjibraltarit, por ka qenë vetë trajneri Bernard Challandes ai i cili ka zgjedhur një kundërshtar më të dobët duke parë edhe ecurinë e rezultateve të Kosovës në ndeshjet kualifikuese për në Euro 2020.

 “Ne e kemi përsëritur edhe më herët që ne kemi pasur dy herë po nga Gjermania që të zhvillojmë një ndeshje, pikërisht tash para se me bë me Gjibraltarin. Por është pjesa që trajneri ka zgjedhur skuadrën sepse Gjermania është një ekip shumë i fortë dhe ne ende kemi qenë në konstruktim të ekipit dhe nuk e kemi bërë këtë herë,  por sigurisht në një rast më të mirë, në rastin e parë të mundshëm, sepse këta e kanë edhe një lojë që e kërkojnë që e luajnë, dhe sigurisht që shumë shpejt ajo ndeshje do të bëhet dhe në momentin e parë të mundshëm”, tha Ademi.

Ndërsa nënkryetari nderi i Federatës Gjermane të Futbollit, Rianer Milkoreit u shpreh se tash e disa vite ka bërë kërkesë në Federatën e Gjermanisë dhe një ndeshje e tillë do të luhet në një të ardhme të afërt, por nuk do të jetë vetëm një miqësore e thjeshtë.

“Ne e kemi thënë edhe në prononcimet e tona të mëhershme. Ne kemi bërë një kërkesë në Federatën e Futbollit të Gjermanisë, qysh në kohën para pranimit në UEFA e FIFA, por jo vetëm për një lojë të thjeshtë miqësore por edhe një lojë me benificone, të cilën Gjermania e organizon çdo dy vite, nga e cila lojë përfitojnë të dy Federatat dhe unë kam biseduar para një viti e gjysmë, dy vite, kemi gjetur një mirëkuptim të jashtëzakonshëm, por duhet dy vjet përpara të bëhet kërkesa për atë lojë”, tha Milkoreit./Gazeta Sinjali/