Ministri i Shëndetësisë, Armend Zemaj, ka njoftuar se ka pranuar ndihmë prej 700 mijë dollarësh në sektorin e shëndetësisë nga Japonia.

Zemaj përmes një postimi në Facebook, tha se në takimin e mbajtur me ambasadorin japonez Ogasawar, iu premtua mbështetja e mëtutjeshme nga ky shtet për Kosovën.

“Ambasadori, Ogasawar njoftoi se ndër të tjera Japonia do të jep shumën financiare mbi 700,000 Dollarë për sektorin e shëndetësisë në Kosovë dhe premtoi se edhe në të ardhmen do të vazhdoj ky bashkëpunim i afërt në mes të dy shteteve”, ka shkruar Zemaj./ Gazeta Sinjali/