Kombëtarja e Kosovës në hendboll në konkurrencën e femrave ka triumfuar në fazën e parë kualifikuese për Kampionatin Botëror 2023.
“Dardanet” fituan ndaj Ishujve Faroe, me rezultat final 27-24.
Tek Kosova lidere ishte kapitenja, Leonora Demaj me 9 gola të shënuara e ndihmuar nga Fitore Aliu dhe Marigona Hajdari që realizuan nga 4 sosh.
Në fitoren e Kosovës, meritë të madhe pati edhe portierja Blerta Ahtmexhekaj e cila ishte vendimtare me pritjet e saj.
Ndeshja e radhës ndërmjet Kosovës dhe Ishujve Faroe zhvillohet të shtunën në palestrën e qytetit në Istog.
