Gjatë ditës së sotme presidentja Vjosa Osmani dhe kryeministri Albin Kurti, kanë zhvilluar një takim me kryeministrin e Greqisë, Kyriakos Mitsotakis, të cilit i kërkuan njohjen e Kosovës.
Lajmin e ka bërë të ditur vetë Kurti përmes një postimi në Twitter, ku ka shkruar se Greqia është faktor i rëndësishëm për rajonin tonë.
“Greqia është një faktor shumë i rëndësishëm për rajonin tonë, NATO-n dhe BE-në. Me presidenten Osmani, ministren Gërvalla takova kryeministrin grek Kyriakos Mitsotakis. Ne ndajmë vlera, synime dhe interesa të përbashkëta ekonomike dhe ritheksuam nevojën për njohjen e pavarësisë së Kosovës”, ka shkruar Kurti.
Por, në anën tjetër, kryeministri Mitsotakis dy ditë më parë zhvilloi një takim me presidentin e Serbisë, Aleksander Vuçiq, nga ku përsëriti se Greqia nuk do ta ndryshojë qëndrimin sa i përket njohjes së Kosovës.
Greece is a very important factor for our region, NATO & the EU.
— Albin Kurti (@albinkurti) February 18, 2022
W/ Pres. @VjosaOsmaniPRKS, MFA @gervallaschwarz I met Greek PM, Kyriakos Mitsotakis. We share common values, goals and economic interests and reiterated the need for recognition of Kosova’s independence.
#MSC2022 pic.twitter.com/EYoAZpxFjK
