Zyra e ashtuquajtur serbe për Kosovën iu ka ofruar mbështetje institucioneve paralele shkollore në Leposaviq që nxënësve t’u mësohen këngë me motive nacionaliste serbe, transmeton Gazeta Sinjali.

Mediumi serb në Leposaviq ‘RTV MIR’ raporton se ekspertët serb e kanë cilësuar një gjë të tillë si “rol të madh në edukimin kombëtar të të rinjve”.

Ndërkaq, profesoresha e muzikës e cila e ka përgatitur koreografinë ka thënë se janë fëmijët ata që shfaqin interes për këngë të tilla.

“Janë fëmijët nga Kosova dhe Metohia ata që tregojnë interes më të madh për këngë të tilla, e cila është plotësisht dhe e pritshme duke marrë parasysh rrethanat dhe kushtet e jetesës”, ka deklaruar ajo. /Gazeta Sinjali/