Këshilltari i Departamentit të Shtetit, Derek Chollet për praninë e korrupsionit në Ballkanin Perendimor përfshirë edhe Maqedoninë, ka thënë se Uashingtoni është i zhgënjyer pasi korrupsioni po bëhet pëngesë për zhvillimin e rajonit, përfshirë edhe Maqedoninë.
“Ne shohim potencial të jashtëzakonshëm në mbarë Ballkanin Perëndimor, nga pikëpamja ekonomike, për sa i përket demografisë, talentit të madh që ekziston në Ballkanin Perëndimor. Zhgënjimi ynë është se ka shumë gjëra që bëhen pengesë për këtë potencial të madh. Dhe korrupsioni është një ndër këto çështje”, tha thënë Chollet në një intervistë për Zërin e Amerikës.
Më tej ai ka theksuar se prandaj shohin kaq shumë të rinj në Ballkanin Perëndimor që largohen për të shkuar në vende të tjera, pasi nuk shohin një të ardhme të ndritur për shkak të disa prej sfidave me të cilat po përballen shumë prej vendeve të Ballkanit Perëndimor për shkak të korrupsionit.
Këshilltari i DASH-it tha se Maqedonia e Veriut është sigurisht një prej këtyre vendeve që po hasin në këtë vështirësi. Ne po bëjmë çfarë të mundemi për të ndihmuar. Luftimi i korrupsionit është një prioritet për Sekretarin e Shtetit Blinken, për të gjithë administratën.
“Pra është një priroritet i yni. Është një shqetësim dhe është diçka që e ngremë gjatë gjithë kohës”, ka deklaruar këshilltari i Departamentit të Shtetit, Derek Chollet.
