image Konkluzionet e Këshillit të BE-së, nuk përmendet liberalizimi i vizave, vetëm raportet me Serbi

Politikë

Konkluzionet e Këshillit të BE-së, nuk përmendet liberalizimi i vizave, vetëm raportet me Serbi

news image

Përfundimet për Ballkanin Perëndimor të nxjerra nga Samiti i BE-së, ku për Kosovën përmendet vetëm përparimi në dialog, derisa nuk përmendet liberalizimi i vizave i ka treguar zëdhënësi i Këshillit Evropian, Barend Leyts.

Në pikat e nxjerra në përfundime, për Kosovën flitet vetëm për zgjidhjen e mosmarrëveshjeve me Serbinë dhe përparimin në dialog. Në këto pika nuk flitet për heqjen e vizave.

“Këshilli Evropian riafirmon urgjencën e të bërit përparim të qartë në zgjidhjen e mosmarrëveshjeve të mëdha bilaterale dhe regjionale, veçanërisht dialogun Prishtinë-Beograd për normalizimin e marrëdhënieve mes Serbisë dhe Kosovës”, thuhet në pikën 19.

Në pikat tjera nuk përmendet Shqipëria dhe Maqedonia e Veriut, teksa theksi vihet tek Bosnja e Hercegovina ku kërkohet implementimi i marrëveshjeve dhe reforma elektorale dhe kushtetuese.

Bosnja po pret marrjen e statusit të vendit kandidat për anëtarësim në BE.  

/GazetaSinjali/