Ministri në detyrë i Punëve të Jashtme, Glauk Konjufca ka thënë se shkarkimi zëvendëskryeministrit Hoti është bërë për shkak të mocionit për rrëzimin e qeverisë.

Konjufca tha se Hoti ishtë një nga organizatorët e mocionit dhe sipas tij nuk kishte arsye të mbahej më në qeveri.

“Ai ishte njeriu kryesor për rrëzimin e kësaj qeverie. Një njeri që është kundër nuk ka pse të jetë pjesë e qeverisë. Arsyetimet i ka thënë në fjalimin e tij. U kuptua që ai ishte njëri prej organizatorëve të mocionit”, ka thënë Konjufca për ktv./Gazeta Sinjali/