Edhe pse masa të forta janë marrë nga policia për koncertin e këngëtarit serb, Goran Bregoviq që është duke u zhvilluar në qytetin e Korçës, incidentet nuk kanë munguar.
Përderisa Bregoviq po performonte raportohet se një i ri ka hedhur gaz lotsjellës.
Në pamje shihen qytetarë të frikësuar dhe duke u larguar nga tavolinat ku ishin ulur përderisa mbajnë sytë e mbuluar.
Personi që kishte hedhur gazin lotsjellës, është ndaluar nga Policia.
Edhe pse është hedhur gaz lotsjellës, koncerti i Bregoviqit nuk po ndalet.
Mbi 200 forca policie pjesa më e madhe e të cilëve kanë rrethuar terminalin ndodhen në terren. Ndërkohë që pjesa tjetër është vendosur në bulevardet kryesore të qytetit.
Ndryshe nga koncertet e 4 netëve të para të kësaj feste, koncerti i Bregoviq do të jetë më i reduktuar në numër, kjo edhe për shkak të masave të sigurisë.
Që në hyrje të terminalit ka kontrolle të rrepta për të gjithë të interesuarit për të ndjekur performancën e këngëtarit. Kontrollet arrijnë deri atje sa nuk lejohen monedha, shishe apo sende të tjera metalike.
