Komuna e Ferizajt ka njoftuar se të gjithë banorët të cilët ndodhen jashtë kësaj komune, kanë mundësinë të kthehen më së largu sot deri në ora 17.00.
Kjo komunë dje është vendosur në karantinë, pas konfirmimit të 18 rasteve të reja me koronavirus në Ferizaj.
“Të nderuar qytetarë, siç jeni njoftuar, sot është vendosur karantinimi i Ferizajt. Të gjithë banorët të cilët ndodhen jashtë Komunës së Ferizajt, kanë mundësinë të kthehen më së largu nesër (12 prill), deri në ora 17.00”, thuhet në njoftimin e tyre./GazetaSinjali/
