Ministrat e Ballkanit Perëndimor, kërkuan heqjen e barrierave për eksportin e mallrave shëndetësore, ndërsa pas një jave kjo i aprovohet nga Këshilli Evropian.

Nisma e ministrave të  Ballkanit Perëndimor për heqje të kufizimeve për  eksportim të mallrave shëndetësor përkrahet nga KE, ndërsa pjesë e kësaj nisme ishte edhe ministri i Punëve të Jashtme të Kosovës, Glauk Konjufca.

Këtë e ka bërë të ditur shefi i kabinetit të tij, Kreshnik Ahmeti.

“Më 7 prill, Ministri Konjufca u është bashkuar Ministrave të Punëve të Jashtme të shteteve të rajonit, për t’i kërkuar Komisionit Evropian që gjashtë vendet e Ballkanit Perëndimor të largohen nga kufizimi për eksportim të mallrave të mbrojtjes shëndetësore, të cilat nevojiten për ta luftuar përhapjen e pandemisë së COVID-19”, ka shkruar Ahmeti.

Tutje ai ka thënë se në këtë letër, ministrat shprehën dëshirën që të jenë pjesë e një Evrope solidare, të cilën e synon edhe Presidentja e Komisionit Evropian, znj. Ursula von der Leyen./ Gazeta Sinjali/