COVID-19

Të infektuar

94

Të sheruar

2

Të vdekur

1

Reagim/ Koalicioni i OJQ-ve për mbrojtjen e fëmijëve dënon përdorimin e dhunës në një kopsht të Prishtinës

news image

KOMF (Koalicioni i OJQ-ve për mbrojtjen e fëmijëve) e ka dënuar rastin e fundit të dhunës ndaj një fëmije në një kopsht në Prishtinë dhe ka kërkuar nga autoritetet që të marrin masat e duhura sipas ligjeve në fuqi.

KOMF gjithashtu ka kërkuar që të ndërpritet puna e të gjitha kopshteve të cilat nuk operojnë në bazë të standardeve dhe që nuk kanë licencë pune.

“Aktualisht, pjesa dërrmuese e institucioneve parashkollore dhe programeve alternative në Kosovë nuk kanë politikë për mbrojtjen e fëmijëve, për pasojë nuk kanë një sistem për parandalim dhe mbrojtje të fëmijëve e as sistem të brendshëm të reagimit dhe raportimit. Për më tepër një numër i madh i kopshteve private vazhdojnë të punojnë pa licencë duke mos ju nënshtruar procesit të monitorimit dhe inspektimit. KOMF kërkon të ndërpritet puna e të gjitha kopshteve të cilat nuk operojnë në bazë të standardeve dhe nuk kanë licencë”, thuhet në komunikatën e KOMF-it.

Me qëllim të mbrojtjes së fëmijëve në institucionet parashkollore, KOMF ka kërkuar që draft-Ligji për Edukimin në Fëmijërinë e Hershme i cili është në proces hartimi, të parashikojë krijimin e politikës për mbrojtjen e fëmijëve për institucionet parashkollore dhe ofruesit e shërbimeve të fëmijërisë së hershme./GazetaSinjali/


Shpërndaje artikullin