Kim Kardashian ka zbuluar se ka dështuar në provimin e vitit të parë të drejtësisë për herë të dytë, shkruan BBC, transmeton Gazeta Sinjali.
Ylli i reality-show dhe biznesmenja mori rezultatet e saj në episodin e fundit të ‘Keeping Up With The Kardashians’.
Shfaqja e suksesshme televizive përfundoi të enjten pas 14 vitesh, pasi kishte drejtuar familjen drejt famës dhe pasurisë globale.
Kardashian, e cila po studion për një diplomë juridike, synon të hapë firmën e saj ligjore. Ajo u pa duke thënë: “Unë dështova, thjesht nuk duhet të stresohem për këtë.”
Ajo tha se ishte “mërzitur” në lidhje me rezultatin, i cili ishte “pak më i keq” se përpjekja e saj e parë në fillim të këtij viti.
Kim shtoi: “Thjesht duhet të bëj më mirë në të ardhmen.”
Ylli i reality-show e bëri testin pas një viti studimi, por u zotua se do ta kalonte atë për herë të tretë gjatë këtij muaji.
Ajo ka thënë se dëshiron të hapë firmën e saj ligjore duke u përqëndruar në dënimin dhe reformën në burg pas mbarimit të diplomës së saj të drejtësisë.
Vitin e kaluar, Kim vizitoi Shtëpinë e Bardhë dhe ndihmoi në lirimin e të burgosurve.
Crystal Munoz, Judith Negron dhe Tynice Hall iu ndërprenë dënimet me burg pasi Kardashian West loboi tek Presidenti i atëhershëm i SHBA-së, Donald Trump.
