Gjendja e Jashtëzakonshme konsiderohet një masë eksreme e parashikuar nga Kushtetuta që bëhet në kushtet emergjente sikurse mund të jenë sulmet e armatosura kundër, një fatkeqësie natyrore, një trazirë civile, një krize e rëndë financiare apo një epidemi sikurse është kjo e Covid 19.

Kjo është arsyeja pse shumicave e vendeve anëtare të Bashkimit Evropian, të kërcënuara nga pandemia e koronavirusit e kanë shpallur tashmë Gjendjen e Jashtëzakonshme.

Sipas raportimeve në mediet e ndryshme ndërkombëtare, deri sot, gjendjen e jashtëzakonshme e kanë shpallur këto vende: Belgjika, Bullgaria, Qipro, Çekia, Estonia, Finlanda, Hungaria, Italia, Letonia, Lituania, Luksemburgu, Portugalia, Rumania, Sllovakia dhe Spanja.

Po ashtu gjendjen e jashtëzakonshme e kanë shpallur edhe shtetet fqinje të Kosovës, si Shqipëria, Maqedonia e Veriut e Serbia.

Ndonëse fillimisht shumica e rasteve të koronavirusit ishin shënuar në Kinë, sëmundja u përhap në Evropë dhe në kontinente të tjera. Madje, Organizata Botërore e Shëndetësisë e shpalli Evropën si epiqendër të re të koronavirusit dhe paralajmëroi se edhe Shtetet e Bashkuara mund të bëhen epiqendër e përhapjes gjatë javëve apo muajve të ardhshëm. /Gazeta Sinjali/