Italia, Gjermani, Franca dhe Holanda kanë nënshkruar kontratë me “Astrazenecan”, për të furnizuar evropianët me vaksinë kundër koronavirusit.

Këtë e ka bërë të ditur ministri italian i Shëndetësisë, Roberto Speranza, transmeton Gazeta Sinjali.

“Kontrata vlen për 400 milionë doza të vaksinës, e cila u zhvillua nga Universiteti i Oksfordit dhe që ka avancuar në fazën e eksperimentimit e pritet të përfundojë në vjeshtë”, ka thënë Roberto Speranza në një postim në Facebook.

Ai ka shtuar se kontingjenti i parë i vaksinës mund të jetë në dispozicion kah fundi i vitit.

Komisioni Evropian ka marrë mandat nga qeveritë e Bashkimit Evropian të premten për të negociuar blerjen e vaksinave premtuese kundër koronavirusit. /Gazeta Sinjali/.