image Këta janë zyrtarët policorë që u suspenduan për arrestimin e kameramanit sot
[wp-story id="814678"]

Siguri

Këta janë zyrtarët policorë që u suspenduan për arrestimin e kameramanit sot

news image

Policia e Kosovës ka suspenduar nga puna dy zyrtarë policorë të cilët arrestuan kameramanin e agjencisë së lajmeve, Ekonomia Online, Albion Selitaj, derisa po e ndiqte aksionin për vendosjen e ndërmarrjes “AgroKosova Holding”, nën administrimin e AKP-së, raporton Gazeta Sinjali.

Sinjali mëson se zyrtarët policorë të cilët u suspenduan në këtë rast janë: rreshteri Reshat Balaj dhe polici Driton Fondaj, në Stacionin Policor në Suharekë.

Reshat Balaj
Driton Fondaj

Sipas Policisë, ky suspendim është mbështetur në udhëzimin administrativ të PK-së për shkeljet, masat dhe procedurat disiplinore në Policinë e Kosovës, me qëllim të hetimit dhe sqarimit të veprimeve dhe sjelljeve të tyre në këtë rast.

Përveç suspendimit të zyrtarëve në fjalë, Policia ka iniciuar procedurë të brendshme disiplinore edhe ndaj pesë zyrtarëve të tjerë policorë, që morën pjesë në arrestimin e kameramanit.

Lidhur me rastin, nga IPK i kanë thënë Sinjalit se kanë nisur një hetimi preliminar.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata./GazetaSinjali/