Lajmi për vrasjen e komandantit legjendar, Adem Jashari, ishte raportuar në pothuajse në të gjitha mediat botërore.
Para 23 viteve, më 7 mars 1998, lajmi për rënien e Adem Jasharit dhe familjes së tij për herë të parë u dha në RTSH, e cila ishte dritarja e vetëm e informimit në atë kohë për luftën në Kosovë.
“Sot secili prej nesh është Adem Jashari”, ishte një nga fjalitë e moderatorit nga Shqipëria.
Përmes lajmeve qendrore të Televizionit të Shqipërisë, moderatori Asllan Bajrami, ishte ai që kishte kumtuar lajmin për vdekjen e komandantit legjendar, Adem Jashari, duke thënë se ata që mendojnë se Adem Jashari nuk ekziston më, mashtrohen rëndë.
“Sot në Kosovë kanë lindur 1,000 Adem Jashara. Sot secili prej nesh është Adem Jashari, çdokush që mendon që ai nuk ekziston mashtrohet rëndë. Liri dhe dritë në përjetësinë e Legjendës së Ushtrisë Çlirimtare të Kosovës. LAVDI!” , ishin fjalët e tij gjatë raportimit për vdekjen e Adem Jashari.
