Shtetet e Bashkuara po i ofrojnë Ukrainës furnizime dhe pajisje në rast se Rusia vendos të përdorë armë kimike ose biologjike.
Kështu ka deklaruar Shtëpia e Bardhë të premten, duke nënvizuar se kjo nuk do të komprometonte gatishmërinë e brendshme në asnjë formë, shkruan Reuters.
Sekretarja e shtypit e Shtëpisë së Bardhë, Jen Psaki tha se furnizimet po siguroheshin duke u dhënë një paralajmërim nga Shtetet e Bashkuara dhe vendet e tjera për mundësinë që Rusia të mund të përdorte armë të tilla në Ukrainë dhe mund të planifikonte një operacion.
Furnizimet përfshijnë maska gazi, kostume mbrojtëse dhe pajisje të tjera. Shtetet e Bashkuara kanë pranuar kërkesën e Kievit dhe po i dërgojnë për të mbrojtur civilët, megjithëse Kievi mund të vendosë ta përdorë atë për ushtarët e vet.
