Gazeta Sinjali raportoi pak më parë për një aksident trafiku që ka ndodhur në rrugën “Agim Ramadani” në Prishtinë, ku si pasojë një këmbësor ka mbetur i lënduar.
Lajmin për Sinjalin e ka konfirmuar edhe zëdhënësi i Policisë për rajonin e Prishtinës, Agron Borovci, i cili ka bërë të ditur se personi i lënduar është dërguar për tretman të nevojshëm mjekësor.
Gjithashtu ai deklaroi se në aksident kanë qenë të përfshira dy vetura.
“Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti”, deklaroi ai për Sinjalin.
