Katër persona kanë mbetur të lënduar pas një aksidenti trafiku që ka ndodhur sot në orët e mbrëmjes, shkruan Gazeta Sinjali.

Lajmin për Gazetën Sinjali e ka konfirmuar zëdhënësi i Policisë për rajonin e Prishtinës, Bajram Krasniqi, i cili tha se në aksident kanë qenë të përfshira tri vetura dhe një kamion.

Si pasojë e aksidentit katër personat e lënduar nga plagët e marra kanë kërkuar ndihmë mjekësore.

Krasniqi deklaroi se njësia e trafikut për kontrollin e autostradës është marrë me procedurat në vendngjarje.

“Rreth orës 17:30, policia është njoftuar për një aksident trafiku në autostradë, segmenti Veternik-Bresje. Në aksident janë përfshirë një kamion dhe tri vetura. Si pasojë e aksidentit katër persona kanë kërkuar ndihmë mjekësore. Njësia e trafikut për kontrollin e autostradës është marrë me procedurat në vendngjarje”, deklaroi ai për Sinjali./GazetaSinjali/