Katër fëmijë të vegjël kanë vdekur nga një zjarr në një shtëpi në Sutton, në jug të Londrës.
Besohet se fëmijët janë të lidhur familjarisht dhe atyre iu dha CRP e menjëhershme nga zjarrëfikësit.
Atyre iu dha trajtimi derisa mbërritën ekuipazhet e ambulancës dhe u dërguan në dy spitale të veçanta, ku u konstatuan vdekjen, raporton BBC.
Policia ka njoftuar se aktualisht nuk dihet shkaku i zjarrit dhe se nuk ka të arrestuar.
Komisioneri i Brigadës së Zjarrfikësve të Londrës (LFB) Andy Roe tha se vdekjet “i kishin lënë të gjithë të mpirë me trishtim të thellë”.
60 zjarrfikës luftuan me një zjarr “intensiv” në të gjithë katin përdhes të pronës në mes të tarracës, shtoi LFB.
Pasi gjetën fëmijët brenda shtëpisë, ekipet i nxorën jashtë ku iu dha “kujdes i menjëhershëm emergjent”.
Siç raportohet në media, ngjarja ka ndodhur mbrëmë dhe zjarri është vënë nën kontroll në orën 20:36 dhe shkaku është duke u hetuar.
Besohet se të gjithë fëmijët janë nën moshën pesë vjeç.
