image "Jemi për gjynah..."/ Kreu i Sindikatave të Shëndetësisë i kërkon Osmanit shtyerjen e zgjedhjeve

Shëndetësi

“Jemi për gjynah…”/ Kreu i Sindikatave të Shëndetësisë i kërkon Osmanit shtyerjen e zgjedhjeve

news image

Kryetari i Federatës së Sindikatave të Shëndetësisë së Kosovës, Blerim Syla ka kërkuar nga presidentja e Kosovës, Vjosa Osmani që t’i shtyjë për 6 muaj, zgjedhjet lokale që do të mbahen më 17 tetor, si shkak i situatës me pandeminë.

Syla është shprehur se numri i të infektuarve dhe të vdekurve nga COVID-19 është skandaloz dhe se sa i përket menaxhimit të pandemisë, Kosova është për ‘marre e gjynah’.

Ai ndër të tjera ka thënë se mjekët janë lodhur, dërmuar, ofenduar dhe të neglizhuar

Ai i ka kërkuar presidentes shtyrjen e zgjedhjeve lokale dhe të formohet një grup për shpëtim nacional nga pandemia.

Postimi i plotë:

Presidentes…Kërkesë

E nderuar anuloi zgjedhjet lokale per 6 muaj…

Duke e ndjer dhe prekur këtë numër skandaloz të infektuarve dhe të vdekurve po ju adresohem publikisht pasi spo merrni vesh.

PRESIDENTE jemi për marre e gjynah,për menaxhim të Pandemis,Ju lutem jeni bija e një punetore të rrespektuar shëndetsore,e dini pra çka do thotë kjo. Jemi lodhur,dermuar,ofenduar e të neglizhuar…andaj veproni.

Nuk po kërkoj takime,foto të qastit e lëmosh,po kërkoj njerzi dhe ndenje.

KRYETARE ANULONI ZGJEDHJET LOKALE DHE FORMONI SA MË SHPEJT NGA JU GRUPIN PËR SHPËTIM NACIONAL NGA PANDEMIA …JEMI KEQ…

ME RESPEKT DR.Blerim Syla. /GazetaSinjali/