image Ish-kryetari i Supremes: Askush nuk mund të ndiqet penalisht nëse ka votuar partinë e ndonjë komuniteti tjetër

Drejtësi

Ish-kryetari i Supremes: Askush nuk mund të ndiqet penalisht nëse ka votuar partinë e ndonjë komuniteti tjetër

news image

Ish-kryetari i Gjykatës Supreme, Fejzullah Hasani, ka thënë se nëse argumentohet me prova se është manipuluar në zgjedhjet e 14 shkurtit, atëherë ata persona do të procedohen penalisht.

Por, nëse dikush ka votuar një komunitet tjetër, ose një parti që nuk e përfaqëson, nuk mund të ndiqet penalisht.

Ne nuk mund të ndjekim dikë penalisht vetëm pse ka votuar parti tjetër, pasi e dimë se vota është e fshehtë. Por edhe nëse e dimë se dikush ka votuar ndokënd të komunitetit që nuk përfaqëson, ai nuk mund të ndiqet penalisht për këtë gjë”, deklaroi ai në debatplus.

Hasani thotë se nuk ka asnjë dilemë se votat janë orkestruar në zona të caktuara. Ai thotë se edhe nëse manipulimi apo orkestrimi është bërë nga Serbia ata do të ndiqen penalisht posa të jenë të qasshëm.

Hasani ka thënë se në aspektin ligjor është shumë problem të rikuperohen këto vota.

“PZAP dhe Gjykata Supreme vështirë se mund të rikuperojnë diçka. Gjykata Kushtetuese mund të veprojë duke u bazuar në nene të caktuara ku mbrohet e drejta e minoriteteve për t’u përfaqësuar”, deklaroi më tej Fejzullah Hasani.  /Gazeta Sinjali/