Komuniteti i inteligjencës amerikane vlerësoi se Rusia “nuk dëshiron një konflikt të drejtpërdrejtë me forcat amerikane”, sipas një vlerësimi vjetor të përfunduar në fund të janarit por i publikuar sot nga Zyra e Drejtorit të Inteligjencës Kombëtare.
“Rusia kërkon një akomodim me Shtetet e Bashkuara për mosndërhyrje reciproke në punët e brendshme të të dy vendeve dhe njohjen e SHBA-së të sferës së pretenduar të ndikimit të Rusisë në pjesën më të madhe të ish-Bashkimit Sovjetik”, thuhet në dokument, shkruan CNN.
Moska “i sheh aftësitë e saj bërthamore si të nevojshme për ruajtjen e parandalimit dhe arritjen e qëllimeve të saj në një konflikt të mundshëm kundër Shteteve të Bashkuara dhe NATO-s, dhe sheh një parandalues të besueshëm të armëve bërthamore si garantuesin përfundimtar të Federatës Ruse“, thuhet sipas raportit.
