Instituti Kombëtar i Shëndetësisë Publike i Kosovës ka apeluar tek të gjithë personat që kanë ardhur në atdhe të qëndrojnë në vetëkarantinë dhe t’u përmbahen rregullave të këshilluara nga institucionet përkatëse.
Instituti ka apeluar që qytetarët të qëndrojnë pranë të afërmve dhe të ndjekin rekomandimet sa më shumë që të kenë mundësi.
Njoftimi i plotë:
Të nderuar Qytetarë të Republikës së Kosovës!
Ju lutemi me shpirt:
QËNDRONI NË SHTËPI pranë të afërmve tuaj dhe ndiqni rekomandimet tona sa më shumë që të keni mundësi!
Bashkatdhetarë të nderuar që keni ardhur në atdhe! E di që keni mall për atdhe dhe keni ardhur të vizitoni familjen dhe të dashurit tuaj!
Kësaj radhe na ndihmoni duke qëndruar në shtëpi pranë të afërmve tuaj.
QË TË TREGONI ATDHEDASHURI DHE PATRIOTIZËM:
PA SHTRËNGIM DUARSH!
PA PËRQAFIME!
QËNDRONI NË DISTANCË NGA NJËRI TJETRI SË PAKU 2 METRA LARG!
LANI DUART SA MË SHPESH ME UJË E SAPUN!
AJROSNI SHTËPINË DHE MBANI HIGJIENĒN PERSONALE DHE HIGJIENËN E SHTËPISË!
KUR TESHTINI, MBULONI GOJËN ME GROPËZËN E BËRRYLIT APO ME FACULETË!
Për bashkatdhetarët që akoma nuk kanë ardhur në Kosovë:
JU LUTEMI QË TA SHTYENI VIZITËN NË ATDHE DERI NË KALIMIN E KËSAJ SITUATE!
KËSAJ RADHE DO TË NA NDIHMONI NËSE QËNDRONI ATJE KU JENI!
Nëse keni vendosur patjetër të vini në Atdhe keni obligim të detyruar të qëndroni 14 ditë të vetëkarantinuar!
Nëse keni ardhur tashmë në Atdhe, ju lutem qëndroni në vetëkarantinë dhe bëni gjestin patriotik: përmbajuni rregullave të vetëkarantinës!
Nëse keni shenja dhe simptoma të dyshimta në lidhje me COVID-19 na thirrni në qendrën e thirrjeve 03820080800 për informata të nevojshme! /Gazeta Sinjali/
