Temperaturat e larta do të mbizotërojnë sot gjatë gjithë ditës në gjithë territorin e Kosovës, shkruan Gazeta Sinjali.

Shkaku i rritjes së temperaturave, Instituti Hidrometeorologjik i Kosovës, ka rekomanduar që të shmanget dalja në rrezet e diellit nga ora 10:00 deri në ora 17:00.

Sipas këtij instituti temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihen të lëvizin ndërmjet 33-35 gradë Celsius.

“Të dielën do të mbajë mot me diell dhe me vapë. Temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihen të lëvizin ndërmjet 33-35 gradë Celsius. Indeksi UV vazhdon t’i mbajë vlerat e larta, kështu që këshillohet që mos të jemi në kontakt direkt me rrezet e diellit nga ora 10:00-17:00. Do të  fryjë erë e lehtë deri mesatare nga drejtimi i verilindjes”, thuhet në njoftim. /GazetaSinjali/