Policia ka finalizuar operacionin e koduar “Akuza”, duke vënë në pranga një 23-vjeçar të shpallur në kërkim për një ngjarje të rëndë kriminale të ndodhur në dhjetor të vitit të kaluar.
Në kuadër të këtij operacioni u bë i mundur lokalizimi dhe arrestimi në Tiranë i shtetasit F. B., 23 vjeç.
Sipas njoftimit zyrtar, Gjykata e Durrësit i kishte caktuar në muajin mars 2026 masën e sigurisë “Arrest në burg”, për veprën penale “Vrasja me paramendim”, e mbetur në tentativë dhe e kryer në bashkëpunim.
Dyshohet se më datë 15.12.2025, në një lokal në lagjen nr. 9 në Durrës, i riu në bashkëpunim me tre shtetas të tjerë ka tentuar të vrasë me armë zjarri shtetasin F. K, shkruan Euronews.al.
Materialet procedurale i janë referuar Prokurorisë së Durrësit për veprime të mëtejshme hetimore.
Sinjali – aty ku e vërteta flet para lajmit!
