Gjykata Themelore në Prishtinë ka bërë të ditur se ka arrestuar një person, pasi që i njëjti dyshohet se ka kryer veprën penale, nxitje të urrejtjes, përçarjes ose mos durimit kombëtar, racor, fetar, apo etnik, organizim dhe pjesëmarrje në grupe terroriste, shtytje për kryerjen e veprave terroriste dhe rekrutim për terrorizëm, raporton Gazeta Sinjali.
Të pandehurit me inicialet Y.B me kërkesën e Prokurorisë së Kosovës i është caktuar masa e paraburgimit prej një muaj.
Kundër këtij aktvendimi palët kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë.
