Kryeministri i Hungarisë Viktor Orbán ka thënë se do të mbështesë të gjitha sanksionet e BE-së kundër Rusisë dhe nuk do të bllokojë asnjë.
Duke folur në kufirin Ukrainë-Hungari, ai tha se mbështet përpjekjet për paqe.
“Hungaria e bëri të qartë se ne i mbështesim të gjitha sanksionet, kështu që nuk do të bllokojmë asgjë, kështu që atë që kryeministrat e Bashkimit Evropian janë në gjendje të bien dakord, ne e pranojmë dhe e mbështesim atë”, u tha ai gazetarëve në anglisht, sipas Reuters.
Më herët të shtunën ai tha se ishte dakord që Rusia të bllokohej nga sistemi ndërkufitar i pagesave Swift. Orbán është konsideruar më parë aleati më i ngushtë i Vladimirit brenda liderëve të vendeve anëtare të Bashkimit Evropian.
Kryeministri i Polonisë Mateusz Morawiecki tha se të gjitha sanksionet duhet të diskutohen, përpara një takimi me kancelarin gjerman Olaf Sholz.
“Erdha në Berlin për të tundur ndërgjegjen e Gjermanisë, në mënyrë që më në fund të vendosin për sanksione vërtet të ashpra që do të ndikojnë në vendimet e Kremlinit”, tha Morawiecki ndërsa luftimet u zhvilluan në periferi të kryeqytetit ukrainas Kiev.
“Ne duhet të mbyllim Nord Stream 1 dhe 2, duhet të shkurtojmë varësinë nga lëndët e para, të ndërpresim institucionet financiare ruse nga tregjet e kapitalit, të konfiskojmë asetet e oligarkëve, të mbyllim SWIFT për Rusinë… të gjitha opsionet duhet të jenë në tryezë.”
