image Hovenier u bënë thirrje kosovarëve për vaksinim gjatë pranimit të vaksinave të dhuruara nga ShBA - Sinjali

Hovenier u bënë thirrje kosovarëve për vaksinim gjatë pranimit të vaksinave të dhuruara nga ShBA

news image

Shtetet e Bashkuara të Amerikës i kanë dhuruar Kosovës mbi 500 mijë doza të vaksinës Pfizer, të cilat kanë arritur sot në Kosovë.

Në ceremoninë e pranimit të këtyre vaksinave kanë marrë pjesë krerët shtetërorë dhe ambasadori i Shteteve të Bashkuara të Amerikës, Jeffrey Hovenier.

Hovenier u ka bërë thirrje qytetarëve të Kosovës që të vaksinohen dhe t’i respektojnë masat anti-COVID.

“Vaksinat mbesin mënyra më e mirë në botë e mbrojtjes kundër COVID-19 dhe pasojave shkatërruese të tij. Shkalla e lartë e vaksinimit do të thotë shkallë e ultë e hospitalizimit dhe më pak raste të vdekjes. Ju lutem, bëjeni pjesën tuaj: vaksinohuni, lani duart dhe bartni maskën. Të gjithë duhet të punojmë së bashku për ta luftuar dhe mposhtur këtë pandemi globale”, ka thënë Hovenier.

Ndryshe, duke përfshirë dy dërgesat e mëparshme në gusht dhe shtator 2021, Shtetet e Bashkuara të Amerikës i kanë dhuruar mbi 1 milionë doza të vaksinave Kosovës.

“Shtetet e Bashkuara të Amerikës kanë dhënë përafërsisht 10 milionë dollarë në emër të ndihmës tjetër të ndërlidhur me pandeminë për të forcuar reagimin e Kosovës ndaj pandemisë”, thuhet në njoftimin e Ambasadës Amerikane në Prishtinë.

/GazetaSinjali/


Shpërndaje artikullin