Zëvendëskryeministri Avdullah Hoti, përmes një shkrimi në rrjetin e tij social në Twitter, ka reaguar pas letrës që sekretari amerikan i shtetit, Mike Pompeo, i ka dërguar dje kryeministrit Albin Kurtit.

Hoti, nuk ka treguar detaje, por ka thënë se mesazhi i SHBA-ve është i qartë dhe sipas tij e mirëpresim rolin kyç të SHBA-së.

“E mirëpresim rolin kyc të Shteteve të Bashkuara të Amerikës në dialogun mes Kosovës dhe Serbisë”, ka shkruar Hoti në Tëitter.

Ai thotë se letra është e qartë dhe se qëllimi i Kosovës është arritja e njohjes reciproke.

“Letra e sekretarit Pompeo është e qartë, dialogu është i fokusuar në njohjen reciproke, i cili është qëllimi ynë final. Normalizimi i raporteve është jetik për përparimin në rajonin tonë dhe integrimin e gjithë rajonit në Bashkimin Evropian”, thuhet në postimin e Hotit.

Kurti e ka marrë dje letrën nga sekretari Pompeo./ Gazeta Sinjali/